ܡܐܡܪܳܐ ܕܥܰܠ ܫܡܳܐ ܕܥܰܡܰܢܘܐܶܝܠ

عمانوئيل ـ اللـه معنا

ها ان العذراء تحمل فتلد إبناً وتدعو إسمه عمانوئيل. آشعيا 7/14

ܗܳܐ ܒܬܘܠܬܳܐ ܒܰܛܢܳܐ ܘܝܰܠܕܳܐ ܒܪܳܐ ܘܢܬܩܪܐ ܫܡܶܗ ܥܰܡܢܽܘܐܝܺܠ

 

لقد تنبأ الانبياء بمجئ المسيح  وجاء على لسانهم اسماء والقاب، ابن اللـه، المسيح، المخلص، ابن داود وقد كانت نبوة اشعيا النبي احدى تلك النبوات وقد اعطاه اسم عمانوئيل كلمة ارامية سريانية معناها اللـه معنا ويشهد كذلك يوحنا الانجيلي فيقول

"في البدء كان الكلمة والكلمة كان لدى اللـه والكلمة هو اللـه ... والكلمة صارَ بشراً فسكن بيننا فرأينا مجده مجداً من لدن الاب لابن وحيد مِلؤهُ النعمة والحق" يو 1/1ـ 14

"إن اللـه بعدما كلم الآباء قديما بالانبياء مراتٍ كثيرة بوجوه كثيرة كلمنا في آخر الايام هذه بابن جعله وارثا لكل شئ وبه انشأ العالمين" عبر1/1

الميلاد هو فرح لكل من السماء والارض اللتين كانتا تنتظران هذه اللحظة الزمنية ليدخلا معا تمام الزمن فيفرح الجميع وتكون البشرى بالسلام والآمان انه زمن الرجاء لكل شعوب الارض، لكل انسان مقهور معذب وواقع في بؤس ليحمله الله المتجسد الذي صار مثلنا فيعطي الشفاء والعزاء للعالم اجمع

إن تجسد يسوع المسيح ابن اللـه هو تعبير عن حب لايُدرك الذي أعطى نفسه وبتواضع غير محدود ليخلص الانسان، فحضور اللـه والعيش مع البشر ليُعلمهم ويرشدهم الى المحبة وتحرير الانسان من الانانية والشهوات الشريرة كون هي رغبة الانسان في الحياة الحرة وهي مرتبطة بجوهر الذات الانسانية ودعوتها وتتجلى هذه الرغبة في الخلاص من الالم والظلم والعنف والفساد والشر بانواعه اي الخلاص من الخطيئة.

انتصار المحبة بانتصار المسيح على الموت الجسدي والروحي في حياته وصلبه وقيامته قد علم الانسان ان يتذوق هذا الانتصار ومن ثم العيش بفرح وسلام بقبول الاخر تحت خيمة الاخوة الانسانية المشتركة لبناء ملكوت السماء على الارض.

"أما انا فقد أتيتُ لتكون الحياة للناس وتفيض فيهم" يو10/10

 

وانقل ابيات من ميمر لمار يعقوب السروجي كتبها في القرن الخامس الميلادي على اسم عمانوئيل وترجمتها بتصرف

ܡܐܡܪܳܐ ܕܥܰܠ ܫܡܳܐ ܕܥܰܡܰܢܘܐܶܝܠ

 

ܚܘܪ ܒܺܝ ܒܪ̈ܰܚܡܶܐ ܒܰܪ ܐܰܠܗܳܐ ܕܕܰܡܶܐ ܠܐܰܒܘܗܝ : ܘܰܕܠܳܐ ܒܨܶܬܳܐ ܐܰܙܺܝܥ ܥܰܠ ܬܶܫܒܽܘܚܬܳܟ܀

ܩܺܝܬܳܪܳܐ ܐ̄ܢܳܐ ܕܰܥܣܰܪ ܡܶܢ̈ܝܢ ܕܐܰܢ̄ܬ ܪܰܟܶܒܬܳܝܗܝ : ܩܘܫ ܒܺܝ ܐܶܙܡܰܪ ܐܝܟ ܕܰܠܫܘܒܚܳܟ ܡܶܛܠܬܳܟ܀

ܕܬܘܪܶܒ ܐܶܢܘܢ ܠܰܒܢܰܝܢܳܫܳܐ ܫܰܠܚܳܟ ܐܰܒܳܘܟ : ܘܰܬܩܺܝܡ ܐܶܢܘܢ ܡܶܢ ܩܶܩܠܬܳܐ ܕܰܣܚܺܝܦܺܝܢ ܗ̄ܘܳܘ܀

ܪ̈ܰܚܡܶܐ ܚܰܠܛܽܘܟ ܒܰܒܢܰܝ̈ܢܳܫܳܐ ܕܐܰܒܺܝܕܺܝܢ ܗ̄ܘܳܘ : ܘܰܒܚܽܘܠܛܳܢܳܟ ܐܶܫܟܰܚܬ ܐܶܢܘܢ ܕܬܰܦܢܶܐ ܐܶܢܘܢ܀

ܗܘܰܝܬ ܠܳܟ ܡܶܢܰܢ ܘܗܳܐ ܥܰܡܰܢ ܐܰܢ̄ܬ ܒܰܫܒܳܒܘܬܰܢ : ܥܰܡܰܢܘܐܶܝܠ ܕܐܶܬܳܐ ܢܚܰܪܰܪ ܥܰܒ̈ܕܶܐ ܕܐܰܒܘܗܝ܀

ܒܪܳܐ ܚܰܒܺܝܒܳܐ ܗܳܐ ܥܰܡܰܢ ܐܰܢ̄ܬ ܘܐܰܠܳܗܰܢ ܐܰܢ̄ܬ : ܥܰܡܰܢܘܽܐܶܝܠ ܐܶܬܟܰܢܺܝܬ ܓܶܝܪ ܒܰܢܒܺܝܘܬܳܐ܀

ܫܡܳܐ ܕܰܠܚܶܡ ܠܶܗ ܣܳܡ ܐܶܫܰܥܝܳܐ ܠܒܰܪ ܐܰܠܳܗܳܐ : ܕܬܰܡܢ ܝܰܠܦܶܗ ܒܶܝܬ ܓܶܠܝܢ̈ܶܐ ܕܰܢܒܝܽܘܬܳܐ܀

ܒܪܳܡܰܬ ܕܳܘܩ̈ܶܐ ܗܺܝ ܕܰܢܒܝ̈ܶܐ ܩܳܡ ܐܶܫܰܥܝܳܐ ܘܰܚܙܳܝܗܝ ܠܰܒܪܳܐ ܕܒܰܒܢܰܝ̈ܢܳܫܳܐ ܐܳܬܰܐ ܕܢܶܚܠܽܘܛ܀

ܒܥܰܝܢܳܐ ܕܪܘܚܳܐ ܚܙܝܰܬ ܐ̄ܪ̈ܳܙܶܐ ܚܙܝܗܝ ܘܰܬܗܰܪ ܒܶܗ : ܕܐܰܠܳܗܰܢ ܗ̄ܘ ܘܥܰܡܰܢ ܗܘܶܐ ܒܝܰܠܕܳܐ ܕܰܬܪܶܝܢ܀

ܘܡܶܛܠ ܗܳܢܳܐ ܐܶܬܬܙܺܥ ܘܰܩܪܳܝܗܝ ܥܰܡܰܢܘܐܶܝܠ : ܫܡܳܐ ܫܰܦܺܝܪܳܐ ܕܡܰܟܪܶܙ ܐܘܪܚܶܗ ܕܠܳܐ ܚܶܪܝܳܢܳܐ܀

ܚܙܝܗ ܕܐܠܗܐ ܗ̄ܘ ܘܰܚܙܳܐ  ܕܥܰܡܰܢ ܐܳܬܶܐ ܢܶܗܘܶܐ : ܘܡܢ ܣܘܥܪܳܢܶܗ ܐܰܡܪܶܗ ܠܰܫܡܳܐ ܐܰܝܟ ܕܐܶܫܬܰܡܰܫ܀

ܪܘܚܳܐ ܢܶܫܒܰܬ ܕܰܢܒܝܘܬܳܐ ܡܢܶܗ ܕܐܒܳܐ : ܘܗܝ ܐܰܠܶܦܬܶܗ ܕܢܶܩܪܶܝܘܗܝ ܠܰܒܪܳܐ ܥܰܡܰܢܘܐܶܝܠ܀

ܒܥܽܘܒܶܗ ܕܐܰܒܳܐ ܐܺܝܬܳܘܗܝ ܝܰܠܕܳܐ ܕܡܢ ܐܺܝܬܽܘܬܶܗ : ܘܗܶܘ ܠܰܢܒܝܳܐ ܐܰܠܦܶܗ ܕܢܶܩܪܝܘܗܝ ܠܰܒܪܳܐ ܒܰܫܡܶܗ܀

ܗܘ ܐܰܠܳܗܳܐ ܝܕܰܥ ܠܰܒܪܶܗ ܕܐܰܟܘܬܶܗ ܗ̄ܘ : ܘܰܠܘܬܶܗ ܗ̄ܘ ܘܡܢܶܗ ܐܶܬܳܐ ܕܥܳܠܡܳܐ ܢܶܚܙܝܘܗܝ܀

ܘܗܘ ܠܐܶܫܰܥܝܳܐ ܐܰܠܦܶܗ ܕܢܶܩܪܝܘܗܝ ܥܰܡܰܢܘܐܶܝܠ :  ܒܰܢܒܺܝܘܬܳܐ ܕܒܰܪܬ ܐ̄ܪܙܳܐ ܗ̄ܝ ܕܐܰܠܳܗܘܬܳܐ܀

ܟܰܕ ܝܠܕܳܐ ܠܶܗ ܐܶܡܳܐ ܒܬܽܘܠܬܳܐ ܦܰܓܪܳܢܐܝܺܬ : ܘܐܬܶܐ ܒܰܒܣܰܪ ܢܶܚܙܶܝܘܗܝ ܥܳܠܡܳܐ ܒܬܰܗܪܳܐ ܪܰܒܳܐ܀

ܟܰܕ ܡܶܬܬܚܬܶܐ ܠܣܳܟܳܐ ܕܟܠܳܗ ܬܰܚܬܳܝܘܬܳܐ : ܠܚܰܠܒܳܐ ܘܰܠܘܪܝܳܐ ܘܰܠܥܰܙܪܘܪܐ ܕܰܣܢܺܝܩܘܬܳܐ܀

ܟܰܕ ܛܥܺܝܢܳܐ ܠܶܗ ܐܶܡܳܐ ܛܠܺܝܬܳܐ ܐܰܝܟ ܕܰܠܫܰܒܪܳܐ : ܘܠܒܶܟ ܠܰܬܕܳܐ ܘܝܺܢܶܩ ܡܢܶܗ ܐܝܟ ܝܰܠܘܕܳܐ܀

ܟܰܕ ܡܶܬܝܰܒܰܠ ܥܰܠ ܡܘܫ̈ܚܬܳܐ ܐ̄ܢܳܫܳܝ̈ܬܳܐ : ܘܡܶܬܪܰܒܶܐ ܗ̄ܘܐ ܕܢܐܚܘܕ ܣܳܟܳܐ ܕܪܳܘܡܗ ܐܳܕܳܡ܀

ܟܰܕ ܟܦܶܢ ܗ̄ܘܐ ܘܟܰܕ ܠܐܶܐ ܗ̄ܘܐ ܘܟܰܕ ܕܡܶܟ ܗ̄ܘܐ : ܘܟܰܕ ܥܡܕ ܗ̄ܘܐ ܘܟܰܕ ܡܶܬܬܚܬܶܐ ܠܰܒܨܺܝܪܽܘܬܳܐ܀

ܟܰܕ ܩܳܡ ܥܠܽܘܗܝ ܩܶܐܪܣܳܐ ܪܰܒܳܐ ܕܰܙܩܺܝܦܽܘܬܳܐ : ܘܙܳܥܰܬ ܪܳܒܰܬ ܒܓܠܰܬ ܛܘܥܝܰܝ ܠܰܡܡܳܬܽܘܬܶܗ܀

ܟܰܕ ܣܶܡܳܠܳܐ ܟܠܳܗ ܫܶܓܫܰܬ ܥܰܡ ܫܰܡܳܫ̈ܶܗ : ܘܰܠܙܰܟܳܝܳܐ ܠܕܺܝܢܳܐ ܐܰܥܠܽܘܗܝ ܥܽܘܠܳܐܺܝܬ܀

ܟܰܕ ܩܳܐܶܡ ܗ̄ܘܐ ܩܕܳܡ ܕܺܝܢܳܐ ܘܡܶܫܬܰܐܰܠ ܗ̄ܘܐ : ܘܡܬܢܰܓܰܕ ܗ̄ܘܐ ܒܰܦܪ̈ܓܠܶܐ ܘܰܡܣܰܝܒܰܪ ܗ̄ܘܐ܀

ܘܰܡܨܰܥܪܺܝܢ ܠܶܗ ܘܰܡܩܰܦܚܺܝܢ ܠܶܗ ܒܢܰܝ ܣܶܡܳܠܳܐ : ܘܪܳܩܺܝܢ ܒܐܰܦ̈ܽܘܗܝ ܘܰܡܒܰܙܚܺܝܢ ܒܶܗ ܒܓܘ ܒܶܝܬ ܕܺܝܢܳܐ܀

ܘܰܡܛܰܝܒܺܝܢ ܠܶܗ ܙܩܺܝܦܳܐ ܕܢܶܪܟܰܒ ܥܰܠ ܕܳܓܳܓܽܘܠܬܳܐ : ܘܫܐܰܠ ܡܰܝܳܐ ܘܝܳܗܒܺܝܢ ܗ̄ܘܘ ܠܶܗ ܕܢܶܫܬܶܐ ܚܰܠܳܐ܀

ܘܰܒܨܒܝܳܢܶܗ ܟܳܣܶܗ ܕܡܽܘܬܳܐ ܫܩܰܠ ܗ̄ܘܐ ܘܐܶܫܬܺܝ : ܘܣܰܝܒܰܪ ܟܽܠܗܶܝܢ ܡܫܺܝܚܐ ܕܐܝܬܳܘܗܝ ܥܰܡܰܢܘܐܶܝܠ܀

ܥܰܡܰܢܘܐܶܝܠ ܐܰܠܳܗܳܐ ܗ̄ܘ ܕܰܗܘ ܥܰܡܰܢ : ܘܗܘ ܐܰܠܳܗܰܢ ܣܰܝܒܰܪ ܗܳܠܶܝܢ ܡܶܛܽܠܳܬܰܢ܀

ܘܡܰܢ ܠܳܐ ܡܳܘܕܶܐ ܕܥܰܡܰܢܘܐܶܝܠ ܡܺܝܬ ܒܰܙܩܺܝܦܳܐ : ܘܡܰܢ ܠܳܐ ܡܰܫܰܪ ܕܐܰܠܳܗܰܢ ܗ̄ܘ ܕܰܗܘܐ ܥܰܡܰܢ܀

ܒܰܪܬ ܐܰܪ̈ܡܳܝܶܐ ܒܩܰܝܣܳܐ ܚܙܳܬܳܟ ܥܰܡܰܢܘܐܶܝܠ : ܘܝܶܕܥܰܬ ܡܰܢ ܐܰܢ̄ܬ ܡܛܽܠ ܬܰܗܪܳܐ ܕܓܰܢ̄ܒܪܽܬܳܟ܀

ܥܕܰܬ ܥܰܡܡ̈ܶܐ ܒܰܪܬ ܐܝܺܡܳܡܳܐ ܕܚܰܒܺܒܳܐ ܠܳܟ : ܒܰܙܩܺܝܦܽܘܬܳܐ ܝܕܰܥܬܳܟ ܡܳܪܝ ܕܐܰܠܳܗܳܐ ܐܰܢ̄ܬ܀

ܐܰܪܥܳܐ ܕܙܳܥܰܬ ܫܽܘܥ̈ܶܐ ܕܰܦܩܰܥܽܘ ܡܺܝ̈ܬܶܐ ܕܰܚܝܳܘ : ܫܡܫܳܐ ܕܰܚܫܶܟ ܐܰܟܪܶܙ ܡܰܢ ܐܰܢ̄ܬ ܒܐܰܪܥܳܐ ܟܽܠܳܗ܀

ܘܡܢ ܒܪ̈ܝܳܬܳܐ ܫܰܬܺܝ̈ܩܳܬܳܐ ܕܙܳܥ ܒܰܙܩܺܝܦܳܟ : ܝܠܶܦ ܥܳܠܡܳܐ ܕܐܰܠܳܗܳܐ ܐܰܢ̄ܬ ܫܰܪܺܝܪܳܐܝܺܬ܀

ܘܗܳܐ ܪܳܡ ܩܳܠܗ ܕܟܰܠܬܳܐ ܘܩܳܥܝܳܐ ܒܰܟܢܽܘ̈ܫܳܬܳܐ : ܕܠܳܐ ܢܶܗܘܶܐ ܠܺܝ ܠܡܶܫܬܰܒܗܳܪܘ ܐܶܠܳܐ ܐܶܢ ܒܶܗ܀

ܥܰܡܰܢܘܐܶܝܠ ܐܶܬܳܐ ܡܰܟܪܰܢܝ ܒܰܙܩܺܝܦܽܘܬܶܗ :  ܘܝܳܕܥܳܐ ܐ̄ܢܳܐ ܗ̄ܘ ܠܶܗ ܡܰܢܽܘ ܘܒܰܪ ܡܰܢ ܠܳܐ ܢܶܨܛܰܥܰܪ܀

ܐܰܝܟ ܡܣܟܶܢܳܐ ܐܶܬܳܐ ܠܒܰܝܬܰܢ ܟܰܕ ܡܟܰܪ ܠܺܝ : ܘܰܪܓܺܝܫܳܐ ܗ̄ܘܶܝܬ ܠܶܗ ܥܽܘܬܪܳܐ ܘܥܰܡܶܗ ܢܶܦܩܶܬ܀

ܣܢܶܝܬ ܠܐܰܒܳܗܰܝ̈ ܡܶܛܽܠܬܶܗ ܕܪܳܚܡܳܐ ܐ̄ܢܳܐ ܠܶܗ : ܘܰܢܦܰܩܘ ܠܘܩܒܰܠܝ ܢܘܪܳܐ ܘܣܰܝܦܳܐ ܘܠܳܐ ܐܰܙܺܝܥܽܘܢܝ܀

ܦܪܰܩ ܓܳܠܘܬܳܐ ܡܢ ܫܰܒܝܳܐ ܕܩܛܶܠ ܗ̄ܘܐ ܠܳܗ : ܘܐܰܝܬܺܝ ܦܪ̈ܝܺܩܶܐ ܠܐܰܬܪܳܐ ܕܫܰܝܢܳܐ ܡܢ ܬܽܘܩ̈ܠܳܬܳܐ܀

ܪܰܨ ܒܰܙܩܺܝܦܶܗ ܠܚܶܘܝܳܐ ܪܰܒܳܐ ܕܢܰܟܠܳܗ ܠܐܶܡܰܢ : ܘܰܕܪܰܫ ܐܘܪܚܳܐ ܕܰܣܟܺܝܪܳܐ ܗ̄ܘܳܬ ܡܢ ܚܰܪܡܳܢܳܐ܀

ܛܪܰܕ ܠܰܟܪܽܘܒܳܐ ܕܢܛܪ ܗ̄ܘܐ ܠܗ ܠܐܺܝܠܳܢ ܚܰܝ̈ܶܐ : ܘܩܰܒܠܳܗ ܒܕܰܦܢܶܗ ܠܪܽܘܡܚܳܐ ܕܢܶܥܠܘܢ ܝܺܪ̈ܬܶܐ ܕܢܦܰܩܘ܀

ܦܬܰܚ ܦܰܪܕܰܝܣܳܐ ܗܳܘ ܕܐܰܚܺܝܕ ܗ̄ܘܐ ܩܕܳܡ ܥܳܠܽܘ̈ܠܶܐ : ܘܦܰܢܝ ܛܪ̈ܺܝܕܶܐ ܠܝܘܪ̈ܬܢܰܝܗܘܢ ܘܰܬܚܘܡܰܝ̈ܗܘܢ܀

ܥܰܠ ܓܰܝܳܣܳܐ ܘܰܗܘܐ ܣܰܒܪܳܐ ܠܰܕܒܶܝܬ ܐܳܕܳܡ :  ܕܰܠܚܰܛܳܝ̈ܶܐ ܦܰܬܚܽܘܗܝ ܪ̈ܰܚܡܶܐ ܘܦܰܢܺܝ ܐܶܢܘܢ܀

ܐܰܚܕܗ ܠܰܫܝܽܘܠ ܘܰܣܓܰܪ ܬܰܪ̈ܥܶܝܗ ܕܰܦܬܺܝܚܺܝܢ ܗ̄ܘܘ : ܘܚܰܕܝ ܠܓܰܢܬܳܐ ܘܰܦܬܰܚ ܬܰܪ̈ܥܶܝܗ ܕܐܰܚܺܝܕܺܝܢ ܗ̄ܘܘ܀

ܒܢܳܐ ܚܰܪ̈ܒܳܬܳܐ ܘܰܠܨܳܕܝ̈ܳܬܳܐ ܒܫܰܝܢܳܐ ܝܰܬܶܒ : ܘܰܙܪܰܥ ܣܰܒܪܳܐ ܒܐܰܪܥܳܐ ܕܡܺܝ̈ܬܶܐ ܕܐܰܒܺܝܕܺܝܢ ܗ̄ܘܳܘ܀

ܩܛܰܠ ܬܰܢܺܝܢܳܐ ܗܳܘ ܕܐܶܟܰܠ ܗ̄ܘܐ ܥܰܦܪܶܗ ܕܐܳܕܳܡ : ܘܠܳܫ ܒܶܗ ܢܰܦܫܶܗ ܕܬܽܘܒ ܠܳܐ ܢܶܐܟܽܘܠ ܚܘܝܳܐ ܡܢܶܗ܀

ܥܰܡܰܢܘܐܶܝܠ ܕܰܗܘܐ ܥܰܡܰܢ ܟܰܕ ܢܚܶܬ ܗ̄ܘܳܐ :  ܐ̄ܬܳܐ ܐܰܠܳܗܰܢ ܘܰܗܘܳܐ ܡܶܢܰܢ ܦܰܓܪܳܢܳܐܝܺܬ܀

ܘܰܒܛܰܝܒܽܘܬܳܐ ܥܒܰܕ ܠܰܢ ܡܢܶܗ ܪܽܘܚܳܢܳܐܝܺܬ : ܝܰܗ̄ܒ ܠܰܢ ܚܰܝܳܘ̈ܗܝ ܡܛܽܠ ܕܐܬܳܐ ܘܰܗܘܐ ܡܢܰܢ܀

ܘܰܫܩܰܠ ܕܡܘܬܰܢ ܥܰܠ ܕܰܥܒܰܕ ܠܰܢ ܢܗܘܶܐ ܡܢܶܗ : ܗܘܐ ܐܰܟܘܬܰܢ ܟܰܕ ܐܬܬܰܚܬܝ ܠܰܫܒܳܒܘܬܰܢ܀

ܕܠܰܢ ܐܰܟܘܬܶܗ ܢܥܒܰܕ ܒܐܬܪܶܗ ܕܐܰܒܘܗܝ܀

ܝܰܗ̄ܒ ܠܳܗ ܠܚܳܘܐ ܐܶܣܛܰܠ ܫܽܘܒܚܳܐ ܕܰܠܒܺܝܫܳܐ ܗ̄ܘܳܬ :  ܗܝ ܕܰܓܢܰܒ ܗ̄ܘܐ ܚܶܘܝܳܐ ܡܶܢܳܗ ܒܶܝܬ ܐܺܝܠܳܢ̈ܶܐ܀

ܫܩܰܠ ܡܢ ܐܕܳܡ ܟܽܘܬܺܝܢ ܛܰܪ̈ܦܶܐ ܕܦܽܘܪܣܳܝܳܐ ܗ̄ܘܳܐ : ܘܝܰܗ̄ܒ ܠܶܗ ܚܠܳܦܶܝܗ ܠܒܽܘܫܳܐ ܕܫܽܘܒܚܳܐ ܗܳܘ ܕܰܫܠܰܚ ܗ̄ܘܐ܀

ܥܰܡܰܢܘܐܶܝܠ ܗܳܐ ܥܰܡܰܢ ܗ̄ܘ ܐܰܝܟ ܕܐܶܬܟܰܢܝ :  ܘܰܚܢܰܢ ܥܰܡܶܗ ܠܶܗ ܬܫܒܽܘܚܬܳܐ܀