|
أدم يسبح بدم البراءة
إلى شهداء أبناء شعبنا الكلداني السرياني الآشوري
رنين
كمال تبوني
ربك من خلق ادم ونفخ بي نفس روح
حتى نصير دنيا ونكول هذا من الله اجانة
مو هذا اليموت وذاك الينوح
لأن بس ربك صاحب هالامانة
صح ادم غلط أي ليش يا حواء
لا تزعل يا ادم الله غفار بيوم القيامة
وكل ادم خلق يشيل ذيج الروح
بس مو كل من غلط ترجع تفيدا الندامة
ذاك ادم واليوم ادمنا غير
طفل هاليوم يسبح دما ويا دم الخيانة
طفل يصرخ للوطن ويشكي ويكول
أشوف وجوه ملطخة بالدم وصرت ما اعرف اختي من بنت جيراني
اصيح الله واكبر لكل ظالم ومظلوم ليش البريئة تموت والمجرم يسمع
خبرها يتاني
يبجي الطفل ويصيح ياهو اليتماني ويهذي للموت
لو بيدي ارجع امي لأحضاني
ولو بيدي اغطي بقميصي اختي المكشفة والبس الثاني
ولو بيدي البس بثوب الفرح وانسى كل احزاني
ولو بيدي اسد بوب الحزن وافتح للفرح بيباني
ولو بيدي انسى الضيم واركص كل جرح شيخاني
كفر والله هالادم يموت
وكل ليلة عرس تنكلب ليلة عزانة
ويالماعدكم كلب ولا نخوة الروح ابيت الله صرتوا تكتلون النشامة
انصيح ادم كوم ليش تموت
مو وكتك انت بعدك زغير عالشهامة
مثل وردة مفتحة ياخذ عمرها الموت
اي ليش الظلم وهاي المهانة
مثل ليلة عرس ينزف الولد ملهوف
وهو بثوب الفرح بروحا فدانة
هلهلي يا ام الشهيد اليوم زفت ابنج
هذا يوم العرس ليش البجي احنا شجانة
وينك ابونا ثائر مو جنت موجود
ليش اليوم وحدك وما تتنفس هوانة
راح من ايدينا ابونا وسيم وعاف دنيا دموع
شهيد ارتاح واحنا واحبابا بلانة
بلانا بغيبتا اي ليش يا ظلام
مو هو ابونا وبليا احنا يتامة
عقل ما ظل عدنا ولا صبر جان
ليش مو حتى المسيح شكبرا فدانة
يا عدي ياسهم ويا ادم ياساندرو ما متم انتم
صدكوا ارواحكم بقت تفترمثل الحمامة
مو صار الجرح يجوي الدمع ويكول
صرنا اصحاب والغدر احنا جوانة
ما احمل ذنب لهذا ولذاك
احنا بأيدينا نشيل الحزن ونعلي بنياني
احنا البشر للبشر وخلي نسامح وما نكول هذا الي اذاني وهذا الي
الضيم راواني
تدري ليش نسامح اهلنا ومنحقد واحد عالثاني
موم يوم الجنت جوعان واني سني وشيعي عشاني
ومو من طاح بيت الكراد ابيت اخواني المسيح نمت اني
لأن شايل هويتك وتفتخر وتكول عراقي اني...
|