|
|
ساندي انتِ ملاك
وردة انتِ وغدر قطفوجْ وقميصج الأبيض بالدم اتلونْ بجت العيون حتى الورد نزلَتْ دموعه من دكات كلبج وكفن يا طيبة يا أصفى من الماي ليش البريئة تموت يا زمن لا مدح ولا مجاملة انتِ ملاك وأكلها بأعلى صوت وأصيحن دمج طاهر وروحج نقية كُبل تروحين مكانج بجنة عدن شما أكول وشما أحجي عنج ما أظن كلماتي يكفن يا شمس بخديدا تشعين حنان وأحلى صفات بيج أنطبعن يا وردة جوري يا سما صافية يا حمامة مليانة إحساس وشجنٍ الصغير والجبير اليعرفج والما يعرفج كلهم بجوا حتى الدموع بجن ساندي انتِ ملاك بصورة بنيّة وعلى فراكجْ حتى النجوم طفن عمت عين الزمان ما بيه عدل المجرم يفتر والبريء بالقبر أنسجن بين سيطرتين صرّنا مثل عصافير وكعنا بالفخ والمصايب علينا اللتمن انفجرت العبوات بينا ويلي مات رديف وهواية طلاب تشوهن هذا ايده.. ذاك رجله.. ذاك عينه ليش يا ظلاّم يا زارعين الفتن وين الشرطة.. عمي وين الجيش حامينا حرامينا مَحد يتأمن طلاب ما شايلين سلاح شايلين ورقة وقلم حتى نبني الوطن شنو ذنبنا يا عالم رحنا نتعلم رجعنا خرائط بالوجه انرسمن واكو طلاب من كُثُر جروحها طاحت واكو طلاب من خوفها بجت وصاحت واكو طلاب أبطال الجرحى شالت v بأختصار عشنا لحظات خوف وحزن هذي تنزف .... ذاك يركض v هذا يصلي...... ذيج تبجي وتون ولوما أمنا العذراء جانت مصيبتنا اكبر v *سترتْ علينا وبعبايتها الزركا حضنتنا حضن
واذا العراق بستان وك إحّنا أقدم شجرة انزرعت بأرض الوطن إحّنا المسيحيين ولد العراق ولان طيبين يومية نوكع ابمحن ما عدنا غير الله... هو بس الليحمينا والحب يصبرنا على قساوة الزمن *******
|