الفنانة التشكيلية العراقية وداد الأورفَه لي  تناجي بغداد شعراً

أنـا أصـدِّك يا بغــداد

 انا اصدك يا بغداد ارجـــع اوتـــرجــعيلـــــــي

وخلي راسي اعلـى رجليج بلـــيل تلوليلــــــي

واصدك اشم قداحيج وانا ازهــــوا وتزهيلـي

يا ريت نرجع سوة مثل كــــبل تهوسيلـــــــي

بركصة الجوبي يايمـــــة كل يوم تدبجيلـــــي

اشلون انسة المسكوف بابونواس تسكفيلـــي

ويا نـــبعة الريحـــانة اسمـــعيج تغنــيلـــــــي

اني ا واهــل الصوبيـــن انغنيليــج واتغنيلــي

ويمج   دجلة الصافي  انا اغسلج وتغسليلــي

عجب يرجع ذاك الزمن وشلهج وتشلهينــــي

وشم ترابج الطيب اصلي عليه وتباركينــــــي

حركتي كلبي يا بغــداد الله عليــج ديكوليلـــي

يعني ايصير احلم فد يوم ارجع او ترجعــيلـي

من اوصل   لبغداد   جم   اعلوج   تضحيلـــي

يروحــون فدوة الــج ادعيلــج وتدعيلــــــــي

والله ابجي من فِركتج حتى عمتلي اعيونــــي

كوليلي   وانة  بغربتي مـن  يكدر  يداوينـي

محـــــــد ايداريني ابد اكو غيرج يداريــــــني

ولا يعرف قدري بشر انت وحـــدج تقدرينــي

ولا احد يصلــي علـي غــيرج اكو يصليلـــــي

ارد اموتن انا برضج او بترابج تدفنيـــــــــني

بترابــــــج تدفنينــــي بترابـــــج تدفنيــــــتن

انا اصــدك يا بغـــــــداد ارجــع وترجعيلي

عمان في 27/3/2007

وداد الأورفه لي:

·         ولدت في بغداد عام 1939.

·         درست مدة اربعة سنوات في معهد الفنون الجميلة .

·         عضو نقابة الفنانين  وجمعية الفنانين العراقية .

·         شاركت في معرض نادي المنصور عام 1957 وفي معظم معارض جمعية الفنانين العراقية حتى عام 1962

·         عاشت مدة 18 سنة خارج العراق متنقلة بين اقطار الشرق والغرب، حيث اطلعت عن كثب على مدارسها الفنية.

·         اقامت معارض عديدة في الخارج ، اولها في بون 1964 ، ثم في نيويورك سنة 1966، أعقب ذلك معرضان في الاردن في سنتي 1968 ، 1979 ومعرض مشترك مع الفنانة موراك مكاوي في لندن سنة 69 ، وآخر معارضها (منمنمات في التراث العربي ) المقام في بغداد سنة 1980، كما شاركت في معظم المعارض الفنية الجماعية من عام 1980 الى 1983.

·         مستمرة في اقامة المعارض الفنيه لحد وقتنا الحاضر.

·         تمتلك قاعة الاورفلي للفنون التشكيلية في بغداد.

• تكتب الشعر باللغتين العربية والإنكليزية